Ամանորյա սեղանին կարևոր ու հիմնական տեղ է զբաղեցնում խմիչքը, մասնավորապես, շամպայնը, գինին և օղու տեսականին: Բայց ալկոհոլը չարաշահող յուրաքանչյուր ոք լավ գիտի, թե ինչ հետևանքների է այն բերում: Ռուս մասնագետները Նոր տարվա տոներին լյարդի հետ խնդիրներ չունենալու համար խորհուրդ են տալիս ալկոհոլի հետ համադրել ճիշտ սնունդ: Խորհուրդ չի տրվում խմիչքի հետ օգտագործել քաղցրավենիք, քանի որ ալկոհոլն ու շաքարը միասին լավ չեն յուրացվում: Բժիշկները նաև ընդգծում են` չի կարելի թունդ խմիչքների հետ գազավորված ալկոհոլային ըմպելիքներ օգտագործել: Անթույլատրելի է նաև ալկոհոլի ու սունկի համադրությունը, քանի որ ալկոհոլի ազդեցությամբ սունկի թույնն ավելի արագ է ներծծվում։