Գոյություն ունի կարծիք, ըստ որի, ածխաջրերի բարձր պարունակություն ունեցող սնունդը, օրինակ, գազարը, խնձորը և արքայախնձորը բարձրացնում են արյան մեջ գլյուկոզայի մակարդակը՝ դրանով իսկ խթանելով ինսուլինի արտադրությունը, իսկ ինսուլինի ''ավելցուկը'' նպաստում է օրգանիզմում ավելորդ ճարպի կուտակմանը։
Իրականում բժիշկները ևս այն կարծիքին են, որ որոշ սննդամթերք իրոք խթանում է ինսուլինի արտադրությունը, սակայն վերջինի ավելցուկը ոչ մի կերպ չի կարող ճարպերի կուտակման պատճառ դառնալ:
Ամենամեծ ցանկության դեպքում անգամ անհնար է ուտել այնքան շատ քանակությամբ գազար, որ արյան մեջ գլյուկոզայի մակարդակը բարձրանա մինչև ծայրահեղ աստիճանի։ Ավելին, այդ նարնջագույն բանջարեղենը դասվում է ամենացածր էներգետիկ արժեք ունեցող մթերքի շարքին (1/2 բաժակ քերիչով անցկացրած գազարը պարունակում է ընդամենը 25 կալ) և այն չի կարող վտանգ ներկայացնել իրենց մարմնի համաչափությանը ուշի ուշով հետևող մարդկանց համար։ Ընդհակառակը, գազարն ամենաօգտակար բանջարեղենից մեկն է, որը հագեցած է վիտամիններով և կարոտինով։ Այն նաև հրաշալի հակաօքսիդանտ է։
Խնձորը ևս շատ օգտակար է։ Այն պարունակում է մեծ քանակությամբ բջջանյութ (1/2 բաժակ քերիչով անցկացրած խնձորի մեջ կա 1,8 գրամ բջջանյութ)։ Լինելով քաղցր ահամ միրգ՝ խնձորը դասվում է շաքարի չնչին քանակություն ունեցող մթերքի շարքին։ Բացի այդ, խնձորի բաղադրության մեջ կա մի նյութ` պեկտին, որը նպաստում է օրգանիզմում ''վատ'' խոլեստերինի մակարդակի նվազեցմանը։ Միջին չափի մեկ խնձորում կա ընդամենը 80 կալ։

Արքայախնձորը ևս էներգիայի հրաշալի աղբյուր է։ Այն հարուստ է կալիումով և մագնեզիումով, որոնք օգնում են մկանների կրճատմանը ֆիզիկական աշխատանք կատարելիս ու նվազեցնում մկանային ցնցումների հավանականությունը։
Այսպիսով, գազարը, խնձորը և արքայախնձորը լիովին կարող են փոխարինել հրուշակեղենին, որով մենք երբեմն փորձում ենք հագեցնել շաքարի պակասը և, որ ամենակարևորն է, կունենանք գեղեցիկ և սլացիկ մարմին։