ԲԱՆԱՍՏԵՂԾՈՒԹՅՈՒՆՆԵՐ - ԲԱՆԱՍՏԵՂԾՈՒԹՅՈՒՆՆԵՐ -  - Հետաքրքիր նյութեր

ԲԱՆԱՍՏԵՂԾՈՒԹՅՈՒՆՆԵՐ

	18.03.2012, 20:01
Եվ ինձ լսելով՝ Կարող են ասել. «Գժվե՞լ է, ի՜նչ է». Իսկ ես էլ կասեմ. «Այո՛, գժվե՜լ եմ, Ինչո՞ւ չգժվել»: Իսկ գժվելով չե՞ն սիրում ու ատում: Իսկ գժվելուց չէ՞ փայտը ճարճատում: Առանց գժվելու՝ չկա՛ շահած մարտ: Առանց գժվելու՝ չե՛ն ծնի նոր մարդ: Մինչև չգժվի՝ ջուրը չի՛ եռա, Կեղև չի պատռի հատիկը նռան: Ծառե՞րն են փթթում՝ Գժվա՜ծ են անշուշտ: Երկի՞րն է պտտում՝ Գժվա՜ծ է անշուշտ... Սերմերը մինչև կարգին չգժվեն՝ Բե՛րք չեն դառնալու: Թաթերը մինչև կարգին չգժվեն Ձե՜ռք չեն դառնալու: Բառերն էլ մինչև կարգին չգժվեն՝ Ե՜րգ չեն դառնալու... Ա՜խ, ուր էր թե ես միշտ գի՛ժ լինեի...
1 2 3 4 5 Ավելացրեց: ARTUR \|
Դիտումներ: 629 \| Գնահատական: 4.6/11