Դեռևս անհիշելի ժամանակներից Արաբական թերակղզում սուրճն օգտագործվում էր որպես ըմպելիք, որն արաբներն, իբրև սովորույթ, փոխառել էին եթովպացիներից։ Բայց ժամանակի ընթացքում սրճենին մոռացության է մատնվել՝ «փառահեղ վերածննդի» հեռանկարով: Եվ մինչ 12-րդ դարում Եվրոպան վայելում էր Ռենեսանսի բարիքները, Արաբիայում «հարություն առավ» սուրճը: Ըստ ավանդության, մի ճգնավոր դերվիշ օրերից մի օր որոշեց սուրճը մտցնել իր համեստ մենյուի մեջ՝ բառի բուն իմաստով. նա սկսեց այն օգտագործել իբրև սնունդ, և եթե չհայտնագործեց այն, ապա հաստատ նպաստեց ըմպելիքի վարկանիշի աճին, որը մինչև 16-րդ դար բարձր էր պահվում միայն մասնավոր տներում։ 16-րդ դարի կեսին Շեմզա անունով հալեպցի մի արաբ՝ դարչնագույն հատիկներով բեռնված նավով անցավ Միջերկրականը և առաջին սրճարանը հիմնեց Բոսֆորի ափին։ Արաբներից հետո սուրճի մեծ գնահատողներ դարձան օսմանները, բայց մինչ նրանց մի մասը վայելում էր սուրճի բոլոր առավելությունները, մյուս մասը հասցրեց հորջորջել այն իբրև «մեղսալի նորամուծություն»: Եվ եթե գրողների մի մասը ջանք չէր խնայում՝ փառաբանելու «քահուան» (սա է սուրճի արաբերեն անվանումը), մյուս մասը ոչ պակաս ջանասիրաբար փնովում էր «քնի և սիրո թշնամուն», «սատանայի ընծային»: Չնայած այն հանգամանքին, որ Մարադ 4-րդի օրոք սուրճի նկատմամբ սերը կարող էր հասցնել մինչև կախաղան, Մուհամմեդ 4-րդի օրոք սուրճն՝ ի թիվս այլ ընծաների, նվիրաբերվեց Ֆրանսիայի թագավոր Լուի 14-րդին։ Իսկ այն բանից հետո, երբ եվրոպացի ազնվական կոկետուհիները հավանություն տվեցին թանձր սև ըմպելիքին, կտրուկ ավելացավ Վենետիկի, Մարսելի և Փարիզի սրճարանների այցելուների թիվը։ 1860թ. Պալերմոյի ազնվականներից մեկը՝ Պրոկոպիո Կուլտելլին, որոշեց հատուկ սրճարան բացել միայն ազնվականների և արվեստագետների համար։ Դա անելու համար լավագույն տեղ դարձավ Ֆրանսիական Կոմեդիի շենքի դիմացի փողոցը։ Այսօր արդեն սուրճի բիզնեսը համարվում է երկրորդն իր շրջանառությամբ՝ բենզինի բիզնեսից հետո։
Սուրճի գաղտնիքները Մասնագետները ամերիկացիներին թույլ են տվել հղիության ընթացքում օրվա մեջ մեկ բաժակ սուրճ խմել: Համաձայն խորհրդատվության, որը հրապարակվել է ամերիկյան գինեկոլոգների և մանկաբարձների քոլեջի կողմից, կոֆեինի չափավոր օգտագործումը հղիության բարդություններ չի հարուցում: Կազմակերպության փորձագետները այս եզրահանգմանն են եկել մի քանի հետազոտությունների արդյունքների հիման վրա: Մասնավորապես, Միչիգանի Մաունթ Սինայ կենտրոնի Դավիդ Սավիցի խումբը եկել է այն եզրահանգմանն, որ կոֆեինի ցանկացած քանակության օգտագործումը հղիության տարբեր ամիսների ընթացքում վիժման հավանականությունը չի բարձրացնում: Kaiser Permanente բժշկական կազմակերպության հետազոտությունների բաժնի աշխատակիցները, Դե-Կունի Լիի գլխավորությամբ, իրենց հերթին բացահայտել էին, որ վիժելու հավանականությունը բարձրանում է այն կանանց մոտ, ովքեր օրական 200 գրամից ավելի սուրճ են ըմպում: Համաձայն երկու այլ հետազոտությունների արդյունքների` սուրճի չափավոր օգտագործումը վաղաժամ ծննդաբերության չի հանգեցնում: Այս կապակցությամբ Ամերիկյան գինեկոլոգների և մանկաբարձների քոլեջի մասնագետները հաստատել են, որ օրական մինչև 200 մգ կոֆեինի օգտագործումը անվտանգ է հղիության ժամանակ: Համաձայն փորձագետների խորհրդատվության` այս չափաբաժինը պարունակում է 340 գրամանոց սուրճի բաժակը:
1 Ադմինիստրատոր
1 Գլխավոր մոդերատոր 
տղամարդ: 1404 
կին: 883
