Այսօր Yandex-ն իր որոնողական համակարգում գործարկել է «թարգմանիչ» ֆունկցիան: Այս նորարարությունն աշխատում է թե՛ վեբ և թե՛ բջջային տարբերակներում: Մեքենայական թարգմանական համակարգը հիմնված է վիճակագրական տվյալների վրա։ Համատեքստը հաշվի առնելով՝ այն ընտրում է թարգմանության ամենահարմար տարբերակը։ Ընկերության ղեկավարությունը նշում է, որ մեքենայական թարգմանությունը գրականի հետ համեմատել չի կարելի, սակայն եթե ինտերնետից օգտվողին պետք է հասկանալ տեքստի հիմնական իմաստը, սա ամենահարմար տարբերակն է։ «Թարգմանիչ»-ը հնարավորություն է տալիս անգլերեն, լեհերեն, ուկրաիներեն, գերմաներեն, ֆրանսերեն, իսպաներեն, իտալերեն և թուրքերեն բառերն ու արտահայտությունները թարգմանել ռուսերեն: Այս տեխնոլոգիան աշխատում է Yandex -ի "Яндекс.Перевод” ծառայության միջոցով: