Բոլոր նրանց համար, ովքեր կյանքում հետամուտ են memento mori (հիշիր մահվան մասին) սկզբունքին, թողարկվել են արտասովոր թվային ժամացույցներ: Tikker-ը հետադարձ հաշվարկ է կատարում մինչ մահ: Սարքը կօգնի ընդհանուր առմամբ գնահատել ժամանակն ու կյանքը:  Սարքի վրա ժամ հաստատելու համար անհրաժեշտ է լրացնել տարիքի, կենսակերպի և առողջության մասին հարցերով հատուկ հարցաթերթիկ: Մահվան ամսաթվի որոշման հստակությունը պայմանական է: Սարքը խորհրդանշական բնույթ է կրում: Այս մասին հայտնում է Vesti-ն:  Ներկայումս սարքը նախագծերի ֆինանսավորման Kickstarter կայքում միջոցներ է հավաքում: Մի քանի օրում հավաքված գումարը գերազանցում է 25 հազար դոլարը, ինչի մասին ի սկզբանե հայտնել էին մշակողները:  Սարքը վաճառքում կհայտնվի հաջորդ տարվա ապրիլին: Այն կարժենա 39 դոլար՝ գումարած առաքման արժեքը: