Մեծ Բրիտանիայում 44-ամյա հավաքարար Էդվարդ Սոբոլևսկին երեք տարի շարունակ, ծրագրավորված կերպով, ոչնչացրել է Frost Sullivan ընկերության համակարգիչներն ու սերվերները: Ընկերությանը հասցված վնասը գնահատվել է $50 հազար:  Սոբոլևսկին ծրագրավորված լվացող հեղուկներ էր լցնում համակարգիչների վրա և նույնիսկ շշերից ջրում սերվերները: Վնասարարին հաջողվել է հայտնաբերել միայն տեսախցիկներ տեղադրելուց հետո: Հավաքարարն իր արարքը բացատրել է դեպրեսիայով, որի մեջ ինքը հայտնվել է այն բանից հետո, երբ ընկերությունը հրաժարվել է բարձրացնել իր աշխատավարձը:  Ըստ ամենային, նրա դեպրեսիան էլ ավելի պետք է ուժեղանա, քանի որ դատարանը նրան դատապարտել է $16 հազար տուգանքի, հասցված $50 հազար վնասի փոխհատուցման և ութ ամսվա ազատազրկման: Սոբոլևսկին դատարանում խոստովանել է իր սխալը և համաձայնվել վճարել պահանջված գումարը:  Այդ միջադեպից գոհ է մնացել միայն այդ մաքրող հեղուկները արտադրող ընկերությունը, քանի որ այդ գործի նկատմամբ հետաքրքրությունը նրա արտադրանքի համար լավ գովազդ է հանդիսացել: