Viber ինտերնետային հաղորդակցման ծրագրի միջոցով սկսել են "սպամ" տարածել նաև Հայաստանից գրանցված օգտատերերի շրջանում: Տեղեկատվական անվտանգության հարցերով փորձագետ Սամվել Մարտիրոսյանը ֆեյսբուքյան իր էջում գրել է, որ "սպամ" հաղորդագրությունները արդեն գրվում են հայատառ, ինչն ավելի է մեծացնում խաբվելու հավանականությունը:Ս. Մարտիրոսյանի խոսքով, հաղորդագրություն է գալիս հետևյալ բովանդակությամբ. "Զանագահարիր ինձ այս համարով…" և նշվում է անսովոր երկար ու արտասահմանյան կոդով հեռախոսահամար, և այդ համարին զանագահարելու դեպքում հաշվի ամբողջ գումարը սպառվում է: