Վամպիրի օրագրերը ամերիկյան հեռուստասերիալ է` հինված Լիզա Ջեյն Սմիթի համանուն նովելների շարքի վրա: Պրեմիերան կայացել է The CW ալիքով 2009թ. սեպտեմբերի 10-ին: 3 եթերաշրջաններն արդեն ցուցադրվել են, իսկ 4-րդ եթերաշրջանը կցուցադրվի 2012թ. հոկտեմբերից: Սերիալում գործողությունները տեղի են ունենում Միսթիք Ֆոլլս քաղաքում (Վիրջինիա). hորինված փոքր քաղաք, որը հայտնի է իր գերբնական արարածներով: Սերիալի հիմնական կիզակետը Ելենա Գիլբերտի (Նինա Դոբրեվ) և երկու` մութ անցյալ ունեցող վամպիր-եղբայրների միջև սիրային եռանկյունն է:
Ակնարկ հեռուստասերիալի մասին
Սերիալը 16-ամյա Ելենա Գիլբերտի (Նինա Դոբրեվ) մասին է, ով սիրահարվում է 162-ամյա վամպիր Ստեֆան Սալվատորին (Փոլ Ուեսլի): Սակայն նրանց հարաբերությունները գնալով ավելի ու ավելի են բարդանում Ստեֆանի դաժան և չար եղբոր` Դեյմոն Սալվատորի (Իեն Սոմերհոլդեր)` Միսթիք Ֆոլլս վերադառանալու պատճառով:
Անձնակազմ
Չնայած նրան, որ հեռուստաշոուն հիմնված է համանուն գրքերի վրա, շատ կերպարներ փոփոխված են, սյուժեն` նույնպես: Նինա Դոբրեվը մարմնավորում է միանգամից երկու կերպարներ` Ելենա Գիլբերտին և Քեթրին Փիրսին, ով հայտնի է նաև որպես Կատերինա Պետրովա: Ելենան շատ արագ ներգրավվում է տարբեր գերբնական իրադարձություններում: Փոլ Ուեսլին մարմնավորում է Ստեֆան Սալվատորին` վամպիր-եղբայրներից մեկին, ով ավելի բարեսիրտ ու զգացմունքային է, քան իր եղբայր Դեյմոն Սալվատորը: Վերջինիս մարմնավորում է Իեն Սոմերհոլդերը: Դաժան վամպիրը սերիալի սկզբում բացասական կերպար է, բայց աստիճանաբար ցույց է տալիս իր մարդկայնությունը և այն, որ անտարբեր չէ մարդկանց նկատմամբ: Սթիվեն Ռ. ՄաքՔուինը մարմնավորում է Ջերեմի Գիլբերտին` Ելենայի եղբորը: Սառա Քեննինգը մարմնավորում է Ջեննա Սոմերսին. նա Ելենայի ու Ջերեմիի մորաքույրն ու խնամակալն է (խնամում է նրանց ծնողների ողբերգական մահից հետո): Քեթ Գրեհեմը խաղում է Բոննի Բենետի դերը. նա Ելենայի լավագույն ընկերուհին է, ինչպես նաև` կախարդ:
1 Ադմինիստրատոր
1 Գլխավոր մոդերատոր 
տղամարդ: 1404 
կին: 883
1
