Լուռ նայում եմ եկեղեցուն,
Ինքս իմ մեջ քո անունն եմ լոկ կրկնում
Ու շարունակ խնդրում Աստծուց,
Որ ժպտաս միշտ, թեկուզ հեռվում:

Մտքերիս մեջ ես հուսահատ,
Քո պատկերն եմ կերտում աղոտ,
Քեզ հիշելիս հոգիս շնչում, կյանք է ստանում,
Դառնում բարի, դառնում հաստատ:

Ջինջ երկնքին երկար նայում,
Քո աչքերն եմ այնտեղ տեսնում,
Արևի մեջ ծիծաղ փնտրում,
Անձրևում քո ձայնն եմ լսում:

Ու շարունակ Աստծուց խնդրում
Որ հավատաս, որ հավատան և քեզ,
Խնդրում եմ, որ դու ներես,
Որ քեզ ներեն, որ հասկանան:

Խնդրում եմ Տեր, խլացրու իմ
Աղոթքները շատ անձնական
ՈՒ կատարիր սրտիս իղձը
Վերջին անգամ.. պահպանիր նրան: