Գերմանիան ներկայացնող երեւանցի բռնցքամարտիկ Սյուզի Կենտիկյանը (31-2-0, 16 նոկաուտ) պաշտպանեց պրոֆեսիոնալ բռնցքամարտի կանանց թեթեւագույն քաշային կարգում WBA վարկածով աշխարհի չեմպիոնի տիտղոսը:Սեպտեմբերի 7-ին Գերմանիայի Շտուտգարտ քաղաքում կայացած 10 ռաունդանոց մենամարտում 26-ամյա Կենտիկյանն առավելության հասավ իտալուհի Սիմոնա Գալասիի նկատմամբ: Հայ բռնցքամարտիկը հաղթեց մրցավարների միաձայն որոշմամբ՝ 98.5:94, 99:91.5, 97:95.5:Հիշեցնենք, որ Կենտիկյանը նախորդ անգամ ռինգ էր դուրս եկել այս տարվա հուլիսի սկզբնամասում՝ միավորներով հաղթելով աշխարհի չեմպիոն Կարինա Մորենոյին, ով կորցրել էր իր տիտղոսը: Դա ռեւանշ մենամարտ էր, քանի որ 2012-ի դեկտեմբերի 1-ին ամերիկուհին հաղթել էր Սյուզիին:

NEWS.am Sport