Իրականում. լուրը լսելուն պես` Լիլիթը բացականչեց. <Վայ, ես անգամ չեմ իմացել, որ Սիլվան նույնպես ցանկացել է մասնակցել կամ հայտ է լրացրել>: Նրա փոխանցմամբ` Սիլվային շատ-շատ է սիրում, և նա կոնֆլիկտ չստեղծող երգչուհիներից է. <Ես էլ, նա էլ ոչ կոնֆլիկտային մարդ ենք>,- հավելեց Լիլիթը: Սիլվան ևս անակնկալի եկավ` լսելով դա: Նա հերքեց բոլոր այն լուրերը, թե իբր մտադրություն է ունեցել մասնակցելու մրցույթին, իսկ Լիլիթի հետ էլ ոչ մի խնդիր չի եղել: <Զարմանում եմ, երբ մեզ համեմատում են. ամեն մեկս մեր տեղն ունենք: Ես ինձ ոչ մեկին մրցակից չեմ համարում. պարզապես իմ աշխատանքն եմ անում, իսկ Լիլիթի հաջողություններով շատ եմ ուրախանում. նա տաղանդավոր երգչուհի է>,- եզրափակեց Սիլվան: