Սիդնեյի գիտնականները հայտնաբերել են, որ այն դեղամիջոցը, որի բաղադրության մեջ կա օքսիտոցին հորմոն, այսինքն` «սիրո հորմոն», նպաստում է ալկոհոլից ու թմրադեղերից կախվածություն ունեցող մարդկանց բուժմանը: Մկների վրա հաջող փորձ է կատարվել:

Ուսումնասիրության ընթացքում պարզվել է, որ այդ դեղն օգտագործելուց հետո ընդհանրապես կորում է հետաքրքրությունը դեպի ալկոհոլային խմիչքները և թմամիջոցները:

«Եթե նման միջոցով մարդու օրգանիզմում վերականգնվի օքսիտոցինի մակարդակը, կկարգավորվի նաև մարդու ուղեղային համակարգը և վնասակար կախվածությունը կնվազի այն աստիճան, որը հնարավոր կլինի հեշտորեն վերահսկել»,- պնդում են փորձագետները:

Ավելի վաղ ուսումնասիրությամբ ապացուցվել էր, որ օքսիտոցինի օգնությամբ կարելի է բարձրացնել մարդու վստահությունը և նվազեցնել նրա վախերը: