Թել-Ավիվի համալսարանի հետազոտողները մշակել են տեխնոլոգիա, որը թույլ կտա սմարթֆոնների սովորական մարտկոցները լիցքավորել ռեկորդային կարճ ժամանակում:  Գիտնականների ստեղծած «StoreDot» սարքավորումը թույլ կտա սմարթֆոնը 29-ից մինչեւ 100 տոկոս լիցքավորել ընդամենը 30 վայրկյանում: Բարեհաջող փորձն անցկացրել են Galaxy S3-ի վրա: Ապագայում նախատեսվում է նման լիցքավորիչներ ստեղծել նաեւ այլ սմարթֆոնների համար, հաղորդում է «Ռոսիյսկայա գազետան»՝ վկայակոչելով «9to5Google»-ին:  Արագ լիցքավորման տեխնոլոգիան հնարավոր է կիրառել նաեւ պլանշետների եւ նոութբուքերի լիցքավորման համար, ինչը րոպեներ կտեւի:  Դեռ հայտնի չէ, թե ինչ արժեք կունենան այս լիցքավորիչները: Զանգվածային վաճառքում դրանք կհայտնվեն միայն 2 տարի անց:  Ստեղծողների խոսքով՝ StoreDot-ը թույլ կտա մոռանալ լարերի, մասին, որոնք ստիպված են օգտագործել լիցքավորման համար, քանի որ դրանց կարիքն օրվա ընթացքում միայն մի քանի անգամ կզգացվի: