Քիչ առաջ, Բարսելոնայում անցկացվող Mobile World Congress 2014 ցուցահանդեսի շրջանակներում, հարավկորեական Samsung ընկերությունը պաշտոնապես ներկայացրեց իր նոր առաջատար Galaxy S5 սմարթֆոնը: Նոր սմարթֆոնն իր պլաստմասե կորպուսով արտաքնապես շատ նման է իր նախորդին, սակայն այն ունի մի շարք նոր ֆունկցիաներ և հատկություններ: Այն ստացել է IP67 ստանդարտ, ինչը նշանակում է, որ նոր սարքը պաշտպանված է ջրի և փոշու ներթափանցումից: Այդ իսկ նպատակով, ստորին հատվածում գտնվող micro-USB 3.0 պորտը զինված է ջրի մուտքն արգելափակող փականով: կորպուսը եզրագծված է արծաթագույն շրջանակով, իսկ հետին պանելն ունի փոսիկավոր ձևավորում:


Ինչպես և iPhone 5S-ը, Galaxy S5-ը նույնպես ունի Home կոճակում ներկառուցված կենսաչափական սենսոր, որն օգտագործվում է սարքն ապաարգելափակելու և էլեկտրոնայյին վճարումներ հաստատելու համար: