Ռուսաստանի Դաշնության էկոնոմիկայի նախարարությունը և Միգրացիոն ծառայությունը օրենքի նախագիծ են մշակել, որը թույլ կտա օտարերկրյա քաղաքացիներին ստանալ Ռուսաստանի քաղաքացիություն` ՌԴ էկոնոմիկայում 10 մլն ռուբլի (287.4 հազար դոլար) ներդրում կատարելու միջոցով: Այս մասին հայտնում է «Коммерсантъ»-ը:  Նախագծում նաև ասվում է, որ Ռուսաստանի քաղաքացիություն են ստանալու այն ուսանողները, ովքեր ավարտել են ռուսական բարձրագույն հաստատություններ և աշխատել են ՌԴ տարածքում ամենաքիչը 3 տարի:  Օրենքի այս նախագիծն արդեն քննարկվել է կառավարությունում և շուտով կուղարկվի Պետդումա:  Մի շարք փորձագետների կարծիքով՝ այս փոփոխության շնորհիվ երկրում կբարելավվի ներդրումային միջավայրը, իսկ փոփոխությունից հիմնականում կօգտվեն ԱՊՀ երկրները: