ՌԴ նախարարների կաբինետը մտադիր է դյուրացնել ռուսալեզու օտարերկրացիների համար քաղաքացիության տրամադրման գործընթացը:  ՌԴ վարչապետ Դմիտրի Մեդվեդևը հստակեցրել է, որ մասնավորապես դա վերաբերում է նրանց, որոնց բարեկամները կամ հենց նրանք մշտապես բնակվել են Ռուսաստանում և այն տարածքներում, որոնք պատկանել են նախահեղափոխական Ռուսաստանին և ԽՍՀՄ-ին։  Բացի այդ, դյուրացված ռեժիմով քաղաքացիություն կտրամադրվի նաև ռուսական, խորհրդային բուհեր ավարտած բարձր որակավորում ունեցող մասնագետներին, ովքեր առնվազն 3 տարի աշխատել են Ռուսաստանում։  Քաղաքացիության տրամադրման համար դիմած օտարերկրացիներին ռուսաց լեզվի կրող է ճանաչելու հատուկ հանձնաժողովը։  Նրանք, ովքեր բարեհաջող կանցնեն հարցազրույցը, կարող են ստանալ հատուկ այցագիր ու ձևակերպել բնակության իրավունք։