Պրոֆեսիոնալ դիմահարդար Լի Թիլեթը 10 մլն դոլարի դատական հայց է ներկայացրել հանրահայտ Քարդաշյան քույրերի դեմ՝ նրանց մեղադրելով Khroma Beauty կոչվող դիմահարդարման պարագաների շարքի ստեղծման հարցում իր սեփական դիմահարդարման շարքի անունը գողանալու մեջ, հայտնում է Daily Mail-ը։  Սակայն պարբերականը նշում է, որ Քարդաշյաններից զատ հայցը ներկայացվել է նաև Boldface Group Inc ընկերության դեմ, որն էլ 1 մլն դոլարով գնել է քույրերի առաջարկած դիմահարդարման պարագաների շարքը վաճառելու իրավունքները։  Կինը պնդում է, որ Քարդաշյանների դիմահարդարման պարագաների շարքի անվանումը հնչում է նույն կերպ, ինչպես իր կողմից 2004թ. ստեղծված Kroma Make-up դիմահարդարման պարագաների շարքինը։  «Kroma Make-up-ը ես ինքս եմ ստեղծել՝ իմ քրտնաջան աշխատանքի շնորհիվ, և այժմ պատրաստվում եմ օրինական քայլեր ձեռնարկել բիզնեսս պաշտպանելու համար։ Քարդաշյանները վերցրել են այն, ինչ իրենց չի պատկանում»,- ասել է հայցվորը։