Պատմության մեջ երբևէ ամենազարմանալի ութ հրաշամանուկները
1. Ուիլյամ Ջեյմս Սայդիս
Որոշ մարդիկ Ուիլյամ Ջեյմս Սայդիսին համարում են Երկրագնդի վրա երբեւէ ապրող ամենախելացի մարդը: Նրա IQ մակարդակը տատանվում էր 250-300 կետերի միջեւ: Միջին ընդունակություններով սովորական մարդու դեպքում այդ ցուցանիշը 85-115 է:
1898 թ. ԱՄՆ-ում ծնված, ռուսաստանցի ներգաղթյալների որդի Սայդիսը կարդալ է սովորել 1,5 տարեկանում, իսկ 8 տարեկանում արդեն գրել է 4 գիրք եւ տիրապետել 8 օտար լեզուների. լատիներեն, հունարեն, ռուսերեն, եբրայերեն, ֆրանսերեն, գերմաներեն: Իսկ 7-րդը Vendergood-ը, տղան ինքն էր հորինել հունարենի, լատիներենի եւ ռոմանո-գերմանական խմբի արդի լեզուների հիման վրա: Յոթ տարեկանում նա հանձնել է Հարվարդի բժշկական դպրոցի անատոմիայի քննությունը եւ նրան համալսարան չեն ընդունել միայն տարիքի պատճառով: 11 տարեկանում նրա հայրն արել է ամեն ինչ, որպեսզի տղային ընդունեն Հարվարդ: Ուիլյամը պրոֆեսոր է դարձել, երբ դեռ չէր բոլորել 20 տարեկանը: Հասուն տարիքում նա հայտարարել է, որ գիտակցաբար ընդունել է ցելիբատը, այսինքն հրաժարվել է հակառակ սեռի հետ հարաբերություններից:
2. Գրեգորի Սմիթ
Գրեգորի Սմիթը ծնվել է 1990 թ. ԱՄՆ-ում եւ արդեն 2 տարեկանում կարողացել է կարդալ, իսկ 10 տարեկանում սկսել է սովորել համալսարանի առաջին կուրսում: Հասկանալի է, որ այնպիսի ֆենոմենի ֆոնին, ինչպիսին է կորեացի Կիմ Ունգ Յոնգը, դեռահաս Գրեգորիի նվաճումները անշուք էին եւ հազիվ թե կարողանային որեւէ մեկին զարմացնել: Տղան հասկացավ, որ երիտասարդ քաղաքական գործիչների որմնախորշը դեռ ազատ է եւ հիմնեց մանկական հասարակական շարժում «ամբողջ աշխարհի երեխաների միջեւ ըմբռնման հասնելու համար»:
Որպես այդ շարժման արժանի ղեկավար, օժտված երիտասարդը արժանացել է Միխայիլ Գորբաչովի եւ Բիլլ Քլինթոնի հետ հանդիպմանը, իսկ հետո ճառ է արտասանել ՄԱԿ-ի ամբիոնից: Նրան չորս անգամ ներկայացրել են Խաղաղության Նոբելյան մրցանակի:
3. Կիմ Ունգ Յոնգ
Գիննեսի ռեկորդների գրքի համաձայն, կորեացի Կիմ Ունգ Յոնգը միչեւ այժմ համարվում է մինչ օրս ապրող մարդկանց շրջանում ամենախելացին եւ ունի ամենաբարձր IQ-ն` 210 կետ: Կիմը դարձել է համալսարանի ֆիզիկայի ֆակուլտետի ուսանող, երբ ընդամենը 3 տարեկան էր եւ փայլուն ավարտել է այն 6 տարեկանում: Ավելի ուշ, երբ 7 տարեկան էր, նա հրավիրվել է ԱՄՆ` ՆԱՍԱ-ում աշխատելու համար: 15 տարեկանում նա արդեն ուներ դոկտորի աստիճան եւ աներեւակայելի հեռանկարներ:
4. Օկիտա Սոձի
Ճապոնացի այդ հրաշամանուկը այլ ոլորտից է, քան վերը նշվածները: Նա ապրել է 19-րդ դարի կեսերին եւ չի առանձնացել արտակարգ ինտելլեկտուալ կարողություններով: Բայց նրան ոչ ոք չէր կարող հաղթել:
9 տարեկան հասակում, երբ դեռ շատ երեխաների թույլ չեն տալիս օգտվել ճաշի դանակներով, որպեսզի չվնասվեն, նա տիրապետում էր մարտական թրերի արվեստին: 12 տարեկանում նա հեշտությամբ հաղթել է սուսերամարտի հայտնի վարպետին: Պաշտոնապես մարտարվեստի ընդունված վարպետ է դարձել 18 տարեկանում: Օկիտան եղել է հանրահռչակ Սինսենգումի զինվորական ոստիկանության կազմակերպիչներից մեկը, որի մասին առասպելները մինչեւ օրս տարածված են Ճապոնիայում:
5. Վոլֆգանգ Ամադեուս Մոցարտ
Մոցարտը ոչ միայն բոլոր ժամանակների նշանավոր երգահաններից մեկն է, այլ նաեւ ամենահայտնի հրաշամանուկներից է ամբողջ համաշխարհային պատմության մեջ:
4 տարեկանում նա արդեն վիրտուոզ դաշնամուր էր նվագում, իսկ 5 տարեկանում գրել է առաջին երաժշտական պիեսները: 8 տարեկան հասակում, երբ փոքր երեխաները դեռ չեն տարբերում կոնտրաբասը թավջութակից, Մոցարտը ավարտել է իր առաջին սիմֆոնիան:
6. Հովարդ Ֆիլիպս Լավկրաֆտ
Միստիկ գրականության նախահայր, Քտուլխույի մասին պատմության ստեղծող Լավկրաֆտը կարդալ է սովորել 2 տարեկանում, իսկ 6 տարեկանում` արդեն գրել է լուրջ բանաստեղծություններ: Հիվանդոտ տղան մանկությունից հրապուրվել է սեփական երկյուղալի տիեզերքի ստեղծմամբ եւ նրանում ապրող սարսափելի արարածներով:
Այդ սարսափները նա հանձնում էր թղթին իր երազներից, այո, այդպիսի սարսափելի երազներ էր տղան տեսնում: Երտասարդ Լավկրաֆտը հիվադացել է բոլոր հնարավոր հիվադություններով եւ երկար ժամանակ մնացել է անկողնում, լսելով սարսափելի հեքիաթներ իր պապից, ով ամենամեծ գրադարանի տերն էր քաղաքում:
Հովարդը մանկուց եղել է շատ խանդավառ մարդ, ով հետաքրքրվում էր ոչ միայն գրականությամբ, այլեւ աստղագիտությամբ, պատմությամբ, քիմիայով:
7. Պաբլո Պիկասսո
Պաբլոն նկարել սկսել է ավելի շուտ, քան խոսել է սովորել: Ինչպես ասում է առասպելը, նա ինքը ձեռքի շարժումներով խնդրել է հորը դնել վրձինը ափի մեջ եւ սովորեցնել նկարչության տարրերին:
Չնայած մյուս դպրոցական առարկաները նրան դժվարությամբ էին տրվում, իսկ հաշվել նա այդպես էլ չկարողացավ սովորել մինչեւ կյանքի վերջը: 12 տարեկանում նա այնքան վարպետորեն էր վերարտադրում բնությունը կտավի վրա, որ արդեն համարվում էր հասուն նկարիչ իր անկրկնելի ձեռագրով, իսկ միեւնույն ժամանակ կարդում էր վանքերով եւ գրում էր բազնաթիվ սխալներով: Սակայն քննությունները Արվեստի դպրոցում դեռահասը փայլուն հանձնեց մեկ օրում, մինչդեռ սկսնակ նկարիչների մոտ այն տեւում էր մեկ ամիս: 16 տարեկանում տեղի ունեցավ նրա առաջին ցուցահանդսեը, իսկ 20-ում նա դարձավ աշխարհհահռչակ:
8. Ակրիտ Յասուալ
Այս հնդկացի տղան դարձել է ամենաերիտասարդ բժիշկն աշխարհում: 5 տարեկան հասակում նա արդեն շատ լավ հասկանում էր անատոմիան եւ Շեքսպիր էր կարդում, իսկ 7 տարեկանում կատարել է իր առաջին վիրահատությունը: Տեղի հիվանդանոցի բժիշկները նկատել են, որ երեխան ակտիվ հետաքրքրվում է բժշկությամբ եւ թույլ են տվել նրան դիտել վիրահատությունները: Ակրիտը կարդացել է ամեն ինչ, ինչ կարողացել է եւ իր մեկնաբանություններով համոզել մասնագետներին, որ իսկապես գլուխ է հանում վիրաբուժությունից: Երբ նա 7 տարեկան էր, աղքատ ընտանիքը խնդրել է նրան վիրահատել իրենց աղջկան, քանի որ նրանք չէին կարող վճարել իսկական բժշկին: Ամեն ինչ բարեհաջող է անցել: Նա ունի ամենաբարձր IQ-ն հայրենակիցների մեջ (146 կետ): Այժմ դեռահաս Ակրիտը բժշկական համալսարանի ամենաերիտասարդ ուսանողն է, զբաղվում է քաղցքեղի դեմ դեղի փնտրտուքով:
1 Ադմինիստրատոր
1 Գլխավոր մոդերատոր 
տղամարդ: 1404 
կին: 883
