Ա-ն ու Բ-ն մտան խողովակը, Ա-ն դուրս եկավ, Բ-ն դուրս եկավ, ո՞վ մնաց խողովակի մեջ: Այս հանելուկի սկզբունքն աչքի առաջ ունենալով տնտեսագիտության ոլորտում նոբելյան մրցանակակիր, հոգեբանության պրոֆեսոր Դանիել Կանեմանը իր «Մտածել դանդաղ և արագ» գրքում գրում է, որ նույնիսկ ամենահեղինակավոր բուհերի ուսանողները սխալվում են այն հարցին պատասխանելիս, որին տարրական դասարանի երեխաները շատ արագ և ճիշտ են պատաստանում: Հարցի ձևակերպումները տարբեր են, բայց սկզբունքը բոլոր դեպքերում էլ նույնն է: Հարցը մոտավորապես այսպիսին է. տետրն ու գրիչը միասին արժեն 160 դրամ: Տետրը գրիչից թանկ է 100 դրամով: Ի՞նչ արժե գրիչը:  Այս բանավոր հարցին նույնիսկ Հարվարդի ուսանողները պատասխանում են 60 դրամ: Սակայն եթե փորձենք հաշվել մաթեմատիկորեն, ապա կստացվի, որ եթե գրիչը 60 դրամ է, իսկ տետրը 100-ով ավելի, այսինքն՝ 160, ապա գումարը կստացի 220, ոչ թե 160: Ճիշտ պատասխանը 30 դրամն է:  Կանեմանը դա բացատրում է այն բանով, որ թվերը հայտնվում են մեր ուղեղում. այս դեպքում այդ թիվը 60-ն է: Դա կոչվում է ինտուիտիվ պատասխան, երբ ուսանողները, այսպես ասած, «ծուլանում են» մտածել:  Այս հարցին պատասխանելիս սխալվել է Հարվարդի, Մասաչուսեթսի տեխնոլոգիական ինստիտուտի և հեղինակավոր այլ բուհերի ուսանողների 80 տոկոսից ավելին: