Մեր տոնը
ՈՒզում ենք,որ մեզ գնահատեն,և ամենից շատ դա անկնկալում ենք մեր սիրելիներից,եթե նույնիսկ այդ մասին չենք բարձրաձայնում: Ենթադրվում է,որ տղամարդ ամենից շատ գնահատում է իր սիրած կնոջ ներկայությունն իր կողքին,և ձգտում՝ նրա համար ցանկալի նվեր ընտրել և հերթական անգամ նրան ուրախացնել,բայց... Իրականությունը երբեմն ուրիշ է,և անգամ սիրահարված տղամարդը կարող է նվեր գնելու հարցում փոքր-ինչ ապաշնորհ լինել:Հոգ չէ,մի շտապեք մեղադրել.նրանք ուշշակի չգիտեն՝ ինչ նվիրել: Փոխարենը փորձեք նրանց «հուշել»:
«Պահանջկոտ» եղեք
Այս կանայք հաշվենկատ են,ինքնավստահ և կարծում են ,թե իրենց սերը դեռ վաստակել է պետք:Տղամարդկանց մեծ մասին այդպիսի կանայք դուր են գալիս,քանի որ նրանք ուժեղ սեռի ներկայացուցիչներին ստիպում են միշտ զգաստ լինել:Տղամարդն ամեն ինչ անում է,որ շատ փող վաստակի և իր սիրեցյալին թանկարժեք նվերներ մատուցի,հակառակ դեպքում կզրկվի իր պահանջկոտ կնոջ սիրուց:Եվ այդպես շարունակելու դեպքում սարերի հետևում չեն մնա մուշտակն ու ադամանդները:
«Ամենակարողի» դեր մի ստանձնեք
Չարժե որդեգրել «ես ինքս» սկզբունքը:Իհարկե,նվեր ընտրելու գործը լիովին տղամարդուն վստահել չի կարելի,ուստի փորձում ենք ամեն ինչ վերահսկել,նույնիսկ Ձեր նվերների ընտրությունը:Մի կողմից՝ դա լավ է,երբեք անպիտան իր չես ստանա,մյուս կողմից՝ ինքդ քեզ համար նվեր պատվիրելով՝ զրկվում ես անակնկալ բերկրանքից:
Մի ափսոսեք
Դուք նրանից նվեր եք ստանում և բողոքում,որ նա անտեղի ծախսեր է անում,իսկ երբ նա մի տուփ կոնֆետ է բերում,ասում եք,որ կարող էր փոխարենը հաց գնել կամ ջրի վարձը մուծել:Բայց ում է դուր գալիս,երբ գրպանի փողերը հաշվում են:Այդպես շարունակելու դեպքում ստիպված կլինեք ինքնուրույն հոգալ Ձեր կարիքներն ու իրականացնել Ձեր ցանկությունները:
Կնոջ արցունքներ
Տղամարդուն զինաթափ անելու համար պետք է լաց լինել կամ ավելին՝ հիսթերիա սարքել:Ասում են՝ տղամարդկանց մեծ մասե վախենում է կնոջ արցունքներից...Էհ,համաձայնեք,որ մեր օրերում սա քիչ հավանական է,քանի որ տղամարդկանց դա ոչ թե վախեցնում է այլ նյարդայնացնում է,ուստի ոչ միշտ է արցունքների հեղեղը սպասված արդյունք բերում:Բայց երբերմն արցունքները օգնում են,եթե հազվադեպ են և «տեղին»:Օրինակ՝ «Դու ինձ չես սիրում,իսկ եթե սիրում ես ուրեմն ապացուցի՛ր»,-և նա արդեն պատրաստ է Ձեզ համար երկնքից աստղեր իջեցնել,իսկ դուք մի մոռացեք այդ պահին նրան հուշել,թե հատկապես որ «աստղն» եք ուզում:Իսկ եթե արցունքները չեն օգնում,անցեք ձևական հիսթերիային:Ուշադրություն.եթե լավ դերասան չեք,ավելի լավ է՝ հրաժարվեք նման քայլերից կամ գոնէ նախապես մի քանի փորձ արեք:
Որպեսզի սեփական ամուսնուն կամ ընկերոջը ծախսի տակ
քցելու միտքը չտանջի Ձեր խիղճը,հիշեք մի պարզ օրինաչափություն.եթե չդրդեք նրան Ձեզ նվերներ առնել,նա այդ նվերը մեկ ուրիշին կնվիրի:
1 Ադմինիստրատոր
1 Գլխավոր մոդերատոր 
տղամարդ: 1404 
կին: 883
