Ողջ կյանքի ընթացքում մարդու սովորելու անհրաժեշտությունը
Եկեք չհավատանք այն մարդկանց,ովքեր ասում են, որ միայն ազատ մարդիկ պետք է լինեն կրթված: Եկեք հավատանք այն իմաստասերներին,որոնք ասում են,որ միայն կրթվածներն էն ազատ... Ինչպես հասկանալ ողջ կյանքի ընթացքում կրթվելու գաղափարը:Այն կարելի է հասկանալ մի քանի իմաստով: 1-ին դա կարելի է հասկանալ որպես մի գործընթաց,որ հնարավորություն է տալիս մարդուն ցանկացած տարիքում փոխել իր մասնագիտությունը,ստանալ նոր կրթություն և ձեռք բերել այլ աշխատանք: 2-րդ,ասվածը կարելի է հասկանալ որպես արդեն ընտրած մասնագիտության շրջանակներում անընդհատ կատարելագործում ողջ կյանքի ընթացքում,երբ մարը մասնակցում է վերապատրաստման դասընթացների,տարբեր ծրագրերի՝ իր մասնագիտական հմտությունները խորացնելու,թարմացնելու,արդիականացնելու նպատակով:Ինչ խոսք,դա մարդուն հնարավորություն կտա համընթաց քայլել հասարակական զարգացումներին ու շարունակել մնալ պահանջարկ վայելող մասնագետ: Բայց ողջ կյանքի ըթացքում սովորելու գաղափարն ունի նաև 3-րդ ավելի լայն իմաստ,որը վերաբերում է մարդու ինքնակերտման ամբողջությամբ և ոչ միայն առանձին մասնագիտություն ձեռք բերելու առումով:Այս մոտեցման դեպքում բոլոր մարդիկ առանց բացառության շարունակաբար պետք է աշխատեն իրենք իրենց վրա,պետք է բաց միտք ունենան կենսական հանգամանքների տարատեսակ համադրություներից սովորելու և հոգեպես ավելի ու ավելի հասունանալու համար:Այս մոտեցման դեպքում կրթությունն ու ընդհանրապես հոգու աշխատանքն ինքն իր վրա դիտվում է որպես արժեքավոր,կյանքն իմաստավորող գործընթաց :
Կրթություն ստանալը դասական դարաշրջանում համարվում էր սրբազան գործունեություն,ուսուցիչը՝ ակնածանքի արժանի էակ:
Սովորեք սիրել,որպեսզի սիրենք սովորելը:
Մարդն իրեն տրված ամեն ինչից սովորում է միայն այն և այնքան,որքան ինքն է հոգի դրել այդ գործընթացում:
Սովորող մարդն ինքնուրույն է,նա արդեն պատասխանատու է իր ստացած կրթության համար:
Պետք է սովորել լինելու համար,քանի որ լինել սովորող նշանակում է լինել կենդանի մարդ: