Նյու Յորքի սենատը հաստատել է միասեռականների ամուսնությունները թույլատրող օրինագիծը:
Այսպիսով, Նյու Յորքը կարող է դառնալ ԱՄՆ վեցերորդ նահանգը, որտեղ միասեռ ամուսնությունները թույլատրվում են:
Օրինագիծը վերջնականապես ընդունված կհամարվի, եթե նահանգապետ Էնդրյու Կուոմոն ստորագրի այն:
Նշվում է, որ հենց Նյու Յորքն է այն վայրը, որտեղ ծնվել է սեռական փոքրամասնությունների պաշտպանության շարժումը:
Օրինագիծը Նյու Յորքի Սենատում քվերակության էր դրվել նաեւ 2009 թ-ին, սակայն մերժվել էր:

2008թ-ին նմանատիպ օրինագիծ էր ընդունվել Կալիֆոռնիայում, որից հետո 18 հազար միասեռական զույգեր էին գրանցել իրենց հարաբերությունները: Սակայն ավելի ուշ Գերագույն դատարանը չեղյալ էր համարել օրինագծի քվերակության արդյունքները, եւ ներկայումս դատարանի այդ որոշման օրինականությունը քննարկվում է Վերաքննիչ ատյանում: