Հաղորդավարուհի Նազենի Հովհաննիսյանը Facebook-ի իր էջում ներողություն է խնդրել իր այն գրառման համար, որում նա երեկ «Հրազդան» մարզադաշտից մի քիչ շուտ հեռացած հայ երկրպագուներին համեմատել էր ոչխարի հոտի հետ:

«Անկեղծորեն ներողութուն եմ խնդրում, եթե ակամայից վիրավորել եմ որևէ մեկին, նման միտում չունեի։ Ընդամենն իմ կարծիքն էր և տեսածիս բարձրաձայնումը…վիրավորելու միտում չկար։ Ինչևէ, ես փակվում եմ իմ լռության մեջ, թողնում ձեզ «բարոյականների» հետ»,-գրել է Նազենի Հովհաննիսյանը:

Եթե լինենք անկեղծ իրոք շատ տհաճ էր տեսնել,որ երբ ՀՀ-ի ազգային հավաքականը պարտվում էր 1-2 հաշվով բավականին շատ երկրպագուներ լքում էին մարզադաշտը: Այդպես չեն երկրպագում: Ամեն դեպքում իմ կարծիքով մերոնք շատ լավ խաղ ցույց տվեցին և այժմ ձեզ կներկայացնեմ մի քանի լուսանկար երեկվա խաղից:

Համացանցում նաև քննարկվեց ARMENIA TV -ի վատ աշխատանքը: Սկզբից 37 րոպե մեկնաբան չկար և 37-րդ րոպեին հայտնվում է մի արագախոս մեկնաբան,որը փչացնում էր խաղի դիտելիությունը: Լավ է,որ երկրորդ խաղակեսում բոլոր թերությունները շտկվեցին: