Microsoft ընկերությունը օրերս ներկայացրել է իր նորարարությունները՝ Office 2016-ն ու Skype for Business-ը։ Office 2016 հավելվածում ծրագրավորողները վերաձեւել են ինտերֆեյսը եւ բարելավել են որոնման համակարգը։ Այս պահին հավելվածի նախնական տարբերակը չի կարելի լիարժեք համարել։ Հավելվածի վերջնական պրեմիերան կկայանա տարվա երկրորդ կեսին։ Skype for Business-ը շուկայից վերջնականապես դուրս կմղի Lync-ը։ Նշենք, որ Skype for Business-ը շատ նման է սովորական Skype-ին, ուստի դրան անցնելը կլինի թեթեւ եւ հեշտ, գրում է Informing-ը։ Skype-ի բիզնես տարբերակը հասանելի կլինի բոլոր ընկերությունների համար արդեն ընթացիկ տարվա ապրիլին։