Շատերի կողմից Microsoft-ի լավագույն  օպերացիոն համակարգ համարվող Windows XP-ին հրաժեշտ տալու համար ընկերությունը հիշողությունների հոլովակ է թողարկել:  «Windows XP-ն թողարկվել է 2001թ.-ին, եւ ես հիշողություններ ունեմ: Եկեք դիտենք, թե ինչպիսին էր այն 13 տարի առաջ: Շնորհակալություն Windows XP-ին, սակայն ժամանակն է հրաժեշտ տալ»,- գրում են հոլովակի հեղինակները:Ինչպես հայտնի է, Windows XP օպերացիոն համակարգն այլեւս չի պաշտպանվելու այս տարի ապրիլի 8-ից: Microsoft ընկերության տվյալներով՝ այս պահին Windows XP-ն օգտագործվում է աշխարհի մոտ 10 տոկոս համակարգիչների կողմից, հաղորդում է «Ռոսբալտը»: