Մասնագետ` Մեթ Ֆուգեյթ, աստղային ոճաբան

Մազերի համար պոչիկ, թե՞ փունջ: Այս եղանակի պարտադիր միտումը երկու ոճի խառնուրդն է. 50%-ով պոչիկ կլինի, 50%-ով' փունջ... և 100%-անոց անզուգական տեսք... 

Նախապատրաստական փուլ

Երեկոյան մազերդ լվա և չորացրու այնքան, որ թեթևակի խոնավություն մնա: Վեց հավասար հյուսք արա և այդպես էլ քնիր, որպեսզի հետո ալիքներ ստացվեն:

Ձևավորման փուլ

1. Նախ` արձակիր հյուսքերը, որպեսզի մազերդ ալիքաձև լինեն, ապա՝ գագաթի մասում գզիր դրանք` թեթևակի ծավալ ստեղծելու համար: Սանրով զգուշորեն բացիր մազափնջի ծայրերը. այդ կերպ դրանք խճճված չեն երևա:

2. Մազերդ հավաքիր և պարանոցիդ հետևի մասում թույլ պոչիկ կապիր: Առջևի 2 շերտը թող ազատ քունքերիդ թափվի:

3. Հիմա թեթևակի ոլորիր պոչը և ժամացույցի սլաքի ուղղությամբ փաթաթիր էլաստիկ ժապավենի շուրջ` փունջ ստանալու համար: Տեղում ամրացրու ծամկալով և թող` պոչը հիմքից կախվի:

4. Փնջի ամրացման հատվածը մի փոքր այս ու այն կողմ շարժիր` զգուշությամբ փոքրիկ մազափնջեր հանելով դեպի վերև ու ներքև: Այդպես մազերը մի փոքր թափթփված ու խառը տեսք կունենան:

5. Ի վերջո` մատներով գզիր պոչը` գանգուր, խճճված մազերի էֆեկտ ստանալու համար:

ՀԻՇԻՐ

Վերջում` պոչը գզելուց առաջ, մատներդ թաթախիր փափկացնող անուշահոտ քսուքի մեջ (տե՛ս նկարում), որպեսզի մազերիդ վերջնական տեսքն անթերի լինի:

Լուսանկարը` ըստ HMI-ի