Մայքլ Դուգլասի ավագ որդին՝ Քեմերոնը, թմրամիջոցների առևտրի պատճառով, հինգ տարվա ազատազրկմամբ գտնվում է բանտում:  Վերջերս Փենսիլվանիայի բանտում դժբախտ դեպք է գրանցվել, որտեղ լրջորեն վնասվել է հայտնի դերասանի 34–ամյա որդին: Քամերոնի խցակիցները կոտրել են նրա ոտքը և մատներից մի քանիսը, ինչի համար էլ նրանք նյույորքյան նարկոմաֆիայի շեֆերից մեկից  100  դոլար պարգևատրում են ստացել: Այդ կերպ թմրադիլերներն իրենց հաշիվներն են մաքրել Քամերոնի հետ` ոստիկանությանը նրանց մատնելու համար: Ինչպես 2010 թ. «պատահաբար» պատմել էր դեռևս մեղադրյալ երիտասարդի հոգեվերլուծաբանը,  նախնական լսումների ընթացքում ամբաստանյալը որպես իր մատակարարների տվել էր եղբայրներ Դավիթ և Էդուարդո Էսկալերոների անունները, ինչի  շնորհիվ դատավորի կողմից վաստակել էր վճռի զգալի մեղմացում. 10 տարվա փոխարեն` 5 տարով ազատազրկում, իսկ, հաշվի առնելով, օրինակելի վարքագիծը` նա կարող էր ազատ արձակվել արդեն 2013 թ-ին:  Այժմ հետաքննություն է գնում, իսկ Քեմերոնը գտնվում է բանտի հիվանդանոցում: