Ծագումով հնդիկ ԱՄՆ բնակիչ 9-ամյա Փրավան Քալյանը հաջողությամբ հանձնել է MCTS վկայագիր ստանալու քննությունները և ստացել «տեխնոլոգիաների գծով Microsoft-ի վկայագրված մասնագետի» որակավորում:  Քալյանը դարձել է MCTS վկայագրի ամենաերիտասարդ կրողը: Նախքան նա այդ տիտղոսը պատկանում էր 12-ամյա պակիստանցի Բաբար Իքբալին:  Փարվան Քալյանի հայրը պատմում է, որ երեխան սկսել է ծրագրեր գրել դեռևս վեց տարեկան հասակում: Նա անչափ տարված է մաթեմատիկայով, մասնավորապես դիֆերենցյալ և  ինտեգրալ հաշվարկներով: Քլյանը այժմ չորրորդ դասարանի աշակերտ է: Հանգստի օրերին նա համակարգչի մոտ առնվազն ութ ժամ է անցկացնում: