ՆՐԱՆՑԻՑ՝ 1Ադմինիստրատոր 1 Գլխավոր մոդերատոր 0Մոդերատոր 1 Լրագրող 2299Սովորական այցելու
ՆՐԱՆՑԻՑ`
տղամարդ: 1404 կին: 883
Գլխավոր էջ » 2013 » Փետրվար » 12 » Լրագրողը փորձել է Ադելի փոխարեն ստանալ Գրեմմի մրցանակը և հայտնվել է բանտում
23:56
Լրագրողը փորձել է Ադելի փոխարեն ստանալ Գրեմմի մրցանակը և հայտնվել է բանտում
Լոս Անջելեսում կիրակի ուշ երեկոյան կայացել էր «Գրեմմի» 55-րդ մրցանակաբաշխությունը: Մրցանակակիրները հայտնի են, հաջողված և չհաջողված զգեստները ստացել են գնահատականներ, լավագույն պահերը լուսաբանող ֆոտոներն արդեն ցանցում են, ինչպես նաև հետաքրքիր պատահարներ... Օրինակ` ինչպես է մի ուկրաինացի լրագրող` Վիտալի Սեդյուկը, փորձել Ադելի փոխարեն ստանալ «Գրեմմի» մրցանակը և արդյունքում հայտնվել բանտում: Ըստ Hollywood Reporter-ի` «1+1» հռուստաալիքն, ուր աշխատում է լրագրողն, անգամ հավատարմագրված չէր, սակայն Սեդյուկը կարողացել էր ոչ միայն ներկա լինել արարողությանը, այլև նստել պատվավոր հյուրերի համար նախատեսված առաջին շարքում: Կատարելով մասնագիտական պարտքը` նա մի քանի հարցազրույցներ է վերցրել, ապա անցել դահլիճ և նստել ազատ տեղում, որն, ըստ երևույթին, պատկանում էր Maroon 5-ի մասնակիցներից մեկին: Այնուհետև, ինչպես անձամբ խոստովանում է լրագրողը, որոշել է զվարճանալ. «Բեմ բարձրանալու գաղափարն առաջացավ վերջին պահին: Ադելն իմ սիրած երգչուհին է: Այնպես որ, երբ լսեցի նրա անունը, որոշեցի բեմ բարձրանալ, ձևացնել, թե այդ մրցանակը տրվում է ինձ և ասել այն, ինչ ասացի. «Շնորհակալություն, Ադել: Դու իմ ներշնչանքն ես»: Այս բավականին արտասովոր իրավիճակը բացահայտել է Ադելին արձանիկը հանձնող Ջենիֆեր Լոպեսի ապշեցուցիչ սառնարյունությունը: Նա փորձել է հրել լրագրողին և վռնդել դեպի կուլիսներ, որտեղև նրան ձերբակալել են անվտանգության աշխատակիցները: Այժմ սկանդալային այս լրագրողը բանտում է, և նրան ապօրինի ներխուժման մեղադրանք է առաջադրվել: