Լոլիկից կարելի է պատրաստել կոսմետիկ դիմակներ, որոնք պարզապես անհրաժեշտ են ամռանը: Այս դիմակները թարմացնում են, խոնավացնում, ձգում, մաքրում մաշկը:
Նորմալ և չոր մաշկի համար
Մեկ ճաշի գդալ վարսակի փաթիլները լցրեք կաթի մեջ, որպեսզի թանձր զանգված ստացվի, ավելացրեք մեկ լոլիկի հյութ: Դիմակը քսեք դեմքին և վզին: 20-30 րոպե հետո լվացեք գոլ, ապա սառը ջրով:
2 ճաշի գդալ լոլիկի հյութը խառնեք 2 ճաշի գդալ ալյուր հետ: Դիմակը քսեք դեմքին և վերևից դրեք անձեռոցիկ: Թողեք այդպես 15-20 րոպե, այնուհետև լվացեք:
Կես լոլիկը խառնեք ձվի սպիտակուցի և մի քանի կաթիլ ձիթապտղի հետ: Լավ խառնեք և քսեք դեմքին: 10 րոպե հետո լվացեք սառը ջրով:
Տրորեք 1 միջին չափի լոլիկ, ավելացրեք մեկ դեղնուց և վարսակի ալյուր այնքան, որ խառնելիս թանձր, միատարր զանգված ստացվի: Քսեք դեմքին և պահեք այդպես 10-15 րոպե, լվացեք գոլ, հետո' սառը ջրով:
Յուղոտ մաշկի համար
Հիանալի է յուղոտ և մեծ ծակոտիներով մաշկ ունեցողների համար: Պարզապես շերտերով կտրեք լոլիկը և դրեք դեմքին, կամ պյուրե ստացեք և քսեք դեմքին: Պահեք 15-20 րոպե և լվացեք սառը ջրով:
Միջին չափի լոլիկն անցկացրեք քերիչով: Ավելացրեք 1 ճաշի գդալ ալյուր և 1ճաշի գդալ կիտրոնի հյութ: Քսեք դեմքին և պահեք այդպես 15-20 րոպե: Լվացեք սառը ջրով:
Լոլիկի միջուկը տրորեք, ավելացրեք 1 ձվի սպիտակուց: Քսեք դիմակը դեմքին և թողեք այդպես 10-15 րոպե: Լվացվեք սենյակային ջերմաստիճանի ջրով :
Մաքրող դիմակ. մեկ մեծ լոլիկից հյութ քամեք: Ավելացրեք 1 ճաշի գդալ վարսակի փաթիլներ: Քսեք դեմքին: 10 րոպեից լվացեք դեմքը: Սա հիանալի մաքրող դիմակ է, բայց եթե շատ զգայուն մաշկ ունեք, ապա խորհուրդ չի տրվում:
Խոնավացնող դիմակ. 1 հասած լոլիկը լավ ճզմեք, որպեսզի հիմնական մասը հյութ լինի: Ավելացրեք 2-3 ճ. գդալ կաթ և որոշ ժամանակով դրեք սառնարանում: Սառը զանգվածը քսեք դեմքին և թողեք 10 րոպե:
1 Ադմինիստրատոր
1 Գլխավոր մոդերատոր 
տղամարդ: 1404 
կին: 883
