«Ռեալի» և Պորտուգալիայի հավաքականի կիսապաշտպան Կրիշտիանու Ռոնալդուն պաշտոնապես ամուսնության առաջարկ արել ռուս ոդել Իրինա Շայխիսլամովային կամ, ինչպես նրան Արևմուտքում են կոչում, Իրինա Շեյկին: Ֆուտբոլիստը գեղեցկուհուն առանձնատուն է նվիրել Մադրիդում, որի արժեքը 7մլն դոլար է:
«Էսպանյոլի» հետ հանդիպումից անմիջապես հետո (1:0) Ռոնալդուն մեկնել է ԱՄՆ և առաջարկություն արել Իրինային սիրահարների օրը «Սի-Բի-Էս» հեռուստաընկերության շենքում, որտեղ մոդելը նկարահանման էր:
Մոտ մեկ տարի առաջ Ռոնալդուն և Շեյկը ծանոթացել էին Armani ներքնազգեստի գովազդային տեսահոլովակի նկարահանման ժամանակ: Նրանց սիրավեպը շատ արագ զարգացել էր` չնայած այն փաստին, որ այդ ընթացքում հայտնի դարձավ, որ Ռոնալդուն որդի ունի անհայտ կնոջից:
Իրինան ցանկություն է հայտնել դաստիարակել այդ երեխային: Սիրահարված զույգն առայժմ չի հրապարակել պսակադրության ստույգ օրը: Ամենայն հավանականությամբ, այն կկայանա ամռանը, երբ Իսպանիայի առաջնության մրցաշրջանն ավարտվի, և ֆուտբոլիստը հանգիստ կարողանա արձակուրդ վերցնել: