Ինչպե՞ս պատրաստել հրաշք դիմակը. 1 Ճ.գ. Կարտոֆիլի օսլան լուծել կես թեյի բաժակ ջրի մեջ, այնուհետև ստացվածը լցնել մեկ այլ ամանի մեջ և ավելացնել 0.5 լիտր եռման ջերմաստիճանի ջուր: Այս խառնուրդը եփել մինչև խտանալը: Այնուհետև ավելացնել 5 ճ.գ. թարմ քամած գազարի հյութ և 1 ճ.գ. թթվասեր: Այս ամենը լավ խառնել և բարակ շերտով քսել դեմքին, պահել 20-25 րոպե: Դրանից հետո լվանալ դեմքը և քսել Ձեր մաշկին համապատասխան քսուք: Դիմակը մեծ քանակությամբ կստացվի, մնացորդը կարող եք պահել սառնարանում և քսել 3 օր շարունակ, այս դեպքում արդյունքը շատ ավելի արդյունավետ կլինի: Բացի կնճիռները հարթեցնելուց, դիմակը նաև խոնավեցնում է մաշկը: Այն կարելի է քսել նույնիսկ ամենախնդրահարույց հատվածներին: