Դերասանուհի Կամերոն Դիասն իր նոր գրքում՝ «Մարմնի գիրք» (The Body Book), բացահայտում է առողջության համար ամենակարևոր գաղտնիքը․ամեն առավոտ արթնանալուց հետո անմիջապես 1 շիշ ջուր խմել։  «Երբ ես ջուրը խմում եմ, ես այն անմիջապես զգում եմ»,-գրում է Կամերոն Դիասը։  Women’s health-ը նաև փորձել է սննդաբանից պարզել, թե ինչպես է առավոտյան մարմնի վրա ազդում ջուրը։  «Ջուրը շատ կարևոր է, երբ խոսքը վերաբերում է քաշի նվազեցմանը և առողջ ապրելակերպին։ Սակայն մարդկանց մեծամասնությունը առավոտյան արթնանալուց հետո առաջինը խմում է սուրճ»,-ասում է բժիշկ Հիթեր Բաուերը։  Այստեղ Բաուերի և Դիասի խորհուրդները համընկնում են, այն է․ մարդու օրգանիզմին անհրաժեշտ է 8 բաժակ ջուր, որպեսզի այն լինի հիդրատացված։  Հիդրատացված մարմնի մեծագույն առավելությունն այն է, որ այն օգնում է մարմնին ներծծել նատրիումը՝ աղի սնունդ ընդունելուց հետո։ Այսպես, եթե առավոտյան խմում եք մի քանի բաժակ ջուր, ապա այդ պրոցեսն արագանում է։