«Ինտերնետը Հայաստանում». Առաջատար պրովայդերը Beeline-ն է - 21 Մարտի 2012 - Status4ka.Ru

«Ինտերնետը Հայաստանում». Առաջատար պրովայդերը Beeline-ն է - 21 Մարտի 2012 - Status4ka.Ru

Գլխավոր էջ » » «Ինտերնետը Հայաստանում». Առաջատար պրովայդերը Beeline-ն է

11:29 «Ինտերնետը Հայաստանում». Առաջատար պրովայդերը Beeline-ն է
«Բիզնես 24»-ի և «Circle.am» վարկանիշային համակարգի կողմից հրապարակվող «Ինտերնետը Հայաստանում» զեկույցի «Հայաստանի առաջատար պրովայդերներ. ձմեռ 2012» հոդվածի համաձայն, անփոփոխ առաջատար Beeline-ի մասնաբաժինը շարունակել է աճել: Այս տարվա սկզբում անգամ արձանագրվել է 50%-ից բարձր ցուցանիշ (ամանորյա տոներ): 2011թ.-ի սեպտեմբեր ամսի համեմատ Beeline-ի ցուցանիշն աճել է 0.24 տոկոսային կետով: Նշենք, որ մեկ տարի առաջ Beeline-ին բաժին էր ընկնում հայաստանյան այցելությունների 44.14%-ը: Փաստորեն, 12 ամիսների ընթացքում առաջտարի մասնաբաժինն աճել է 4.93 տոկոսային կետով կամ 11.16%-ով: Երկրորդ տեղում է Orange-ը: Անցյալ տարվա սեպտեմբեր ամսի համեմատ երրորդ բջջային օպերատորի ցուցանիշը կրճատվել է 0.68 տոկոսային կետով: 2011թ.-ի փետրվար ամսին բջջային ինտերնետի առաջատարի մասնաբաժինը կազմում էր 18.58%: Վերջին մեկ տարում Օրանժ Արմենիայի մասնաբաժինը կրճատվել է 1.85 տոկոսային կետով կամ մոտ 10%-ով: Երրորդ հորիզոնականում Ucom-ն է: 2011թ.-ի սեպտեմբեր ամսի համեմատ ընկերության մասնաբաժինն աճել է 1.29 տոկոսային կետով: Նախորդ տարվա փետրվար ամսի համեմատ Ucom-ի մասնաբաժինն աճել է 5.96 տոկոսային կետով կամ 94.5%-ով: Չորրորդ տեղում առաջատար բջջային օպերատոր Vivacell-MTS-ն է: Անցյալ տարվա սեպտեմբեր ամսվա համեմատ ընկերության մասնաբաժինը կրճատվել է 0.82 տոկոսային կետով, իսկ 2011թ.-ի փետրվարի համեմատ` 0.08 տոկոսային կետով: Ըներության մասնաբաժինը նվազել է հոկտեմբեր-նոյեմբեր ամսիներին, իսկ ձմռան ընթացքում արձանագրվել է անընդմեջ աճ: Հինգերորդ և յոթերորդ հորիզոնականներում են ADC և Arminco ընկերությունները: Երկու պրովայդերների ցուցանիշներն, ինչպես և նախկինում, շարունակել են նվազել` 2011թ.-ի սեպտեմբերի համեմատ -0.47 և -0.44 տոկ. կետ համապատասխանաբար: Հունվարի նկատմամբ փետրվար ամսին արձանագրված աճը պրովայդերների մոտ կորպորատիվ հաճախորդների գերակայության հետևանք է: 2011թ.-ի փետրվարի տվյալների համեմատ ADC-ի մասնաբաժինը կրճատվել է 4.09 տոկ. կետով կամ մոտ 53%-ով, իսկ Arminco-ի մասնաբաժինը նվազել է 4.72 տոկ. կետով կամ 69%-ով: Հունվար ամսին Arminco-ին շրջանցել և 6-րդ հորիզոնականն է բարձրացել GNC-ALFA-ն: Անցյալ տարվա սեպտեմբեր ամսի համեմատ ընկերության ցուցանիշն աճել է 1.16 տոկոսային կետով կամ 89.2%-ով: 2011թ.-ի փետրվարի համեմատ աճը կազմել է 1.36 տոկոսային կետ: Ինչպես տեսնում ենք` վերջին 4-5 ամիսների ընթացքում GNC-ALFA-ի ցուցանիշները բավական զգալի տեմպով աճել են: Ութերորդից տասներորդ հորիզոնականներում են Karabakh Telecom, Web և Bionet ընկերությունները: 2011թ.-ի սեպտեմբեր ամսի համեմատ պրովայդերների ցուցանիշները փոփոխվել են հետևյալ կերպ` Karabakh Telecom` +0.13 տոկ. կետ, Web` -0.34 տոկ. կետ, Bionet` -0.11 տոկ. կետ: Karabakh Telecom-ին հաջողվել է շրջանցել Web-ին և զբաղեցնել 8-րդ հորիզոնականը: Եթե 2011թ.-ի փետրվար ամսին առաջատար 10 պրովայդերներին բաժին էր ընկնում Circle.am-ում գրանցված հայաստանյան այցելությունների 94.6%-ն, ապա այս տարվա փետրվարին սույն ցուցանիշը կազմել է 97.04%: Անցած 12 ամիսների ընթացքում ցուցանիշն աճել է 2.44 տոկոսային կետով: Խոշորացման զգալի գործընթացներ են տեղի ունենում նաև տասնյակի ներսում:
1 2 3 4 5 Բաժին: Նորություններ \| Դիտումներ: 716 \| Ավելացրեց: ARTUR \| Գնահատական: 3.5/2

Հավանեցի՞ր, դե տեղեկացրու ընկերներիդ`

Բոլոր մեկնաբանությունները: 0