Նախ պետք է հաճախակի թարմացնել զգեստապահարանը և ազատվել այն հագուստներից,  որոնք արդեն նորաձև չեն և տրամադրություն չեն ստեղծում:

Սակայն նոր հագուստներ ընտրելիս, ոչ թե գնեք այն ամենը,  ինչ հենց նոր է մտել նորաձևության մեջ , և հագնում են բոլորը, այլ կողմնորոշվեք թե ձեր խառնվածքին և արտաքինին դրանցից որն է ամենահարմարը, և նոր միայն ընտրություն կատարեք:

Եթե արդեն ընտրել եք հագուստը, ուշադիր նայեք հայելու մեջ,  կարևոր է ոչ թե այն, թե ինչքան գեղեցիկ է հագուստը, այլ թե ինչքան գեղեցիկ եք դուք այդ հագուստով: Հագուստը պետք է ընդգծի ձեր կառուցվածքի առավելությունները և թաքցնի ոչ այնքան գեղեցիկ մասերը:

Պետք է կողմոնորոշվել ոչ միայն հագուստի ոճի,  այլ նաև գույնի մեջ: Հայտնի է, որ սպիտակը առավել փարթամ է ցույց տալիս, իսկ սևը` օրինակ ավելի նիհար: Սակայն պետք չէ հիմնվել միայն այդ փաստի վրա և հագնել միայն սև կամ սպիտակ հագուստներ: Մյուս գույները ևս կարող են շեշտել կամ թաքցնել ձեր կառուցվածքի առանձնահատկությունները:

Ձեր ոճի և կերպարի համար կարևոր են նաև զարդերն ու աքսեսուարները: Սակայն պետք է ընտրել ոչ թե այնպիսի զարդ, որը այնքան աչք կծակի, որ դուք չեք նկատվի, այլ այնպիսին,  որը կշեշտի ձեր գեղեցիկ և ներդաշնակ արտաքինը: