«Սուպերկլեյ» կոչվող սոսնձի վիրաբուժական պիտանելիությունն առաջին անգամ բացահայտել են Վիետնամի պատերազմի ժամանակ, երբ բժիշկները բառի բուն իմաստով սոսնձում էին զինվորների վերքերը, որպեսզի նրանք հնարավորինս շուտ կարողանան մարտի դաշտ վերադառնալ: Այդ միջոցն իսկապես կանգնեցնում էր արյունահոսությունը, և այդ մեթոդով շատ կյանքեր հաջողվեց փրկել:   Այսօր շատ անասնաբույժեր և մարզիկներ օգտագործում  են «Սուպերկլեյ»-ը նույն նպատակներով: Փոքրիկ վերքերին քսելու դեպքում, ինչպես օրինակ` խոհանոցային դանակով կամ թղթով արված կտրվածքը, այս սոսինձն իսկապես կարող է նվազեցնել ցավը և կանգնեցնել արյունահոսությունը, ինչպես նաև` փոքրացնել հնարավոր սպիները:     Այս մեթոդը բավականին արդյունավետ է արտակարգ իրավիճակներում, սակայն փորձագետները նշում են, որ, այնուամենայնիվ, շատ բարձր է հավանականությունը, որ «Սուպերկլեյ»-ը վնասի մաշկն ու ալերգիա հրահրի: Ուստի, տան խաղաղ պայմաններում, այնուամենայնիվ, նախընտրելի է օգտվել ավանդական բժշկական միջոցներից: