Մեծ Բրիտանիայի  գիտնականները 900  մարդկանց շրջանում հարցումներ են կատարել, հասկանալու համար թե որքան կարևոր է  նրանց համար համբույրը:  Ընդհանուր առմամբ, կանայք համբույրին ավելի մեծ նշանակություն են տալիս, քան տղամարդիկ:  Բացի այդ, գիտնականները պարզել են,  որ համբույրը կարևոր է այն մարդկանց համար, ովքեր  իրենց գրավիչ են համարում և հակված է կարճաժամկետ հարաբերությունների:  «Այնպես որ, ամենայն հավանականությամբ, համբույրը նման տիպի մարդկանց  օգնում է նոր հարաբերություններ սկսել», -նշել է ուսումնասիրության հեղինակներից մեկը:  Գիտնականները կարծում են, որ ենթագիտակցական մակարդակում  համբույրի միջոցով մարդիկ գնահատում են իրենց  զուգընկերոջը՝ օգտագործելով պարզ անալիզատորներ՝  հոտ ու համ:  Սա կարևոր է էվոլյուցիոն տեսանկյունից՝  վերլուծություն կատարել  փոխադարձ համատեղելիության  և զուգընկերոջ առողջության վերաբերյալ: