Մարտի 1-ին լույս է տեսել Agens ամսագրի փորձնական համարը` Ռուսաստանի առաջին փայլուն հրատարակությունը լեսբուհիների համար:  Lenta.ru-ի փոխանցմամբ, ամսագրի գլխավոր խմբագիրը Մոսկվայի պետական համալսարանի Ժուռնալիստիկայի ֆակուլտետի շրջանավարտ Միլենա Չերնյավսկայան է: Ամսագրի առաջին համարում նյութեր են նորաձեւության, կարճամետրաժ ֆիլմերի, լեսբուհիների ակումբներ ստեղծողների մասին: Ամսագիրը վաճառվում է սպիտակ ծրարներով՝ հոմոսեքսուալիզմի քարոզչության արգելքին համապատասխանելու համար:  Ամսագիրը լույս է տեսնելու տարեկան չորս անգամ եւ տարածվելու է մասնագիտացված վայրերում. Gay.ru կայքի միջոցով, ոչ ավանդական սեռական կողմնորոշմամբ մարդկանց համար նախատեսված խանութներում եւ այլն: Առաջին ամսագիրը տպագրվել է 999 օրինակով: