Ծնվել է Վարդան Այգեկցին: Միջնադարյան հայ աստվածաբան, մատենագիր, առակագիր Վարդան Այգեկցին ապրել է 12-րդ դարի վերջին և 13-րդ դարի սկզբին։ Ծնվել է Հայոց Միջագետքի Տլուք գավառի Մարաթա հայաբնակ գյուղում, կրթություն ստացել է ծննդավայրում,ապա` Կիլիկյան Հայաստանի Արքակաղին (Արքակաղանի) վանքում:Ծնվել է Արա Բեքարյանը:Հայ գեղանկարիչ, գրաֆիկ, մանկավարժ Արա Վաղինակի Բեքարյանը ծնվել է Աֆիոն-Կարահիսարում (Թուրքիա):Ծնվել է Անդրանիկ Մարգարյանը:Հայ հասարակական-քաղաքական գործիչ, ՀՀ վարչապետ (2000-2007), ՀՀԿ նախագահ Անդրանիկ Մարգարյանը ծնվել է 1951թ. հունիսի 12-ին Երևանում:1972թ. ավարտել է Երևանի պոլիտեխնիկական ինստիտուտի տեխնիկական կիբեռնետիկայի ֆակուլտետը՝ ստանալով հաշվիչ մեքենաների ինժեների որակավորում: 1972-74թթ. աշխատել է Գազի արդյունաբերության համամիութենական Գիտահետազոտական ինստիտուտի Երևանի մասնաճյուղում որպես գիտաշխատող, ավագ ինժեներ:Ծնվել է Մոնթե Մելքոնյանը:ԼՂՀ Մարտունու շրջանի ճակատի հրամանատար Մոնթե Մելքոնյանը Ղարաբաղյան պատերազմի հերոս է, ՀԱՀԳԲ-ի նախկին անդամ և ՀՀ ազգային հերոս։ Նաև ուրարտագետ է, Հայ Դատի և արցախյան ազատամարտի նվիրյալ: Ծնվել է 1957 թվականի նոյեմբերի 25-ին ԱՄՆ-ում՝ ցեղասպանության ճիրաններից փրկված և Կալիֆորնիայի Վայսելիա քաղաքում հանգրվանած հայի ընտանիքում: