Gucci նորաձևության տունը հիմնադրվել է 1921 թ.-ին Ֆլորենցիայում`Գուչիո Գուչչիի կողմից: 1938 թ. Gucci ընկերությունը ընդլայնվեց եւ բացեց բուտիկ Հռոմում: 1947 թ. Gucci-ն արտադրում է Բամբուկե բռնակներով պայուսակներ, որոնք մինչ օրս էլ հանդիսանում են ընկերության ֆիրմային ապրանքը: Գուչիոյի մահից հետո նրա որդին՝ Ալդո Գուչչին, բրենդը հասցրեց միջազգային ճանաչման մակարդակի` բացելով առաջին բուտիկները Լոնդոնում, Փարիզում եւ Նյու Յորքում:1960 – ականներին Gucci-ի խանութներ են բացվում Հեռավոր Արևելքում` ՀոնգԿոնգում, Տոկիոյում եւԿորեայում: Միեւնույն ժամանակ ընկերությունը մշակում է իր անվանի ապրանքանիշը` <<GG>> ( Guccio Gucci-ի սկզբնատառերը): Հայտնի դարձան <<Flora>>մետաքսե շարֆը, որը կրել է հոլիվուդյան դերասանուհի` Գրեյս Քելլին եւ <<Jackie O>> պայուսակը, որը հայտնի դարձրեց Ջեկի Քեննեդին`ԱՄՆ-ի նախագահի`Ջոն Ֆ. Քենեդիի կինը: Եղբայրներ Ալդոն եւ Ռոդոլֆ Գուչչին տնօրինում էին ընկերության բաժնետոմսերի 50% -ը: 1979թ Ալդոն մշակում է աքսեսուարների հավաքածու << Gucci Accessories Collection>>կամ <<GAC>>: 1983թ Ռոդոլֆի մահից հետո մեծ իրարանցում տեղի ունեցավ, երբ նա ընկերության բաժնեմասերի 50 %-ը թողեց իր տղային`Մաուրիցիո Գուչչիին: Այն բանից հետո, երբ ընտանիքի մնացած անդամները լքեցին ընկերությունը, վերջին տարիների ընթացքում առաջին անգամ միայն մի մարդ էր ղեկավարում Gucci ընկերությունը: 1980- ականներին ընկերությունում տեղի ունեցած փոփոխությունները Gucci նորաձևության տունը դարձրեցին ամենաազդեցիկն ու շահավետը նորաձեւության աշխարհում: Սակայն 1990-ականները դարձան ամենավատ տարիները Gucci-ի պատմության մեջ: Մաուրիցիոն, ուշացնելով <<Gucci Accessories Collection>>-ի ԱՄՆ-ի պատվերները, որը տարեկան բերում էր 110 մլն եվրո եկամուտ, բարկացնում է բաժնետերերին եւ ղեկավարներին: Նրա մենեջմենտը բրենդին չի տալիս ցանկալի արդյունավետություն: Նա ստիպված է լինում վաճառել <<Investcorp>>-ի իր բաժինը: 1993թ.` 32 ամյա Թոմ Ֆորդը, որը ֆիրմայի դիզայներն էր, դառնում է ընկերության տնօրեն եւ համագործակցում է իրավաբան Դոուն Մելլոյի հետ: Դե Սոլը, դառնալով ընկերության նախագահ, հասկանում է, որ միայն ոճը փոխելով նրանք կարող են հասնել ընկերության եկամտաբերությանը: Նա ընդունում է Ֆորդի նոր գաղափարները: Դե Սոլը սկսում է համագործակցել ֆրանսիական << Pinault-Printemps-Redoute (PPR) >>-ի տնօրեն Ֆրանսուա Պինոյի հետ, որը ձեռք է բերում ընկերության ակցիաների 40 %-ը: Այժմ արդեն PPR-ը տնօրինում է բաժնետոմսերի 68%-ին: Եկրորդ մեծ ակցիոներ է համարվում Crédit Lyonnais-ը, որին պատկանում է 11 %-ը: 2001թ-ին Gucci Group-ը դառնում է Bottega Venetta, Di Modolo, Balenciaga ընկերությունների բաժնետերերից մեկը եւ Stella McCartney-ի գործընկերը: PPR-ի հետ պայմանագրի վերականգնողական անհաջող փորձերից հետո 2003թ.-ին Թոմ Ֆորդը եւ Դոմինիկո Դե Սոլը որոշում են լքել Gucci ընկերությունը: 32 ամյա Ֆրիդ Ջաննինին, որը նախկինում պատասխանատու էր տղամարդկանց եւ կանանց աքսեսուարների համար, այժմ զբաղեցնում է ամբողջ բրենդի տնօրենի պաշտոնը: Նրա 2006թ.-ի գարնանային հավաքածուն գովաբանվում է գունային գամմայի եւ էներգիայի համար: Ֆորդի էրոտիկ կերպարները վերափոխելով` նա մինչ այսօր մեծ հետաքրքրություն եւ աշխուժություն է առաջացնում իր շուրջը:
Gucci-ն այսօր
BusinessWeek ամսագրի տեղեկությունների համաձայն ` Gucci ապրանքանիշը 2008 թ. վաստակել է 2.2 միլլիարդ եվրո: Արդեն 2004 թ.- ից Gucci-ին են պատկանում հետեւյալ ընկերությունների եւ բրենդերի բաժնետոմսերի ամբողջ կամ մի մասը:
Հագուստ
Gucci (100 % սեփականության բաժին և 100 % ժամացույցների արտադրություն) Yves Saint Laurent (100 %, նաև 100 % —կոսմետիկայի բաժինը) Sergio Rossi (100 %) Bottega Veneta (78.5 %) Alexander McQueen (51 %, նաև 100 % —կոսմետիկայի բաժինը) Stella McCartney (50 %, նաև 100 % —կոսմետիկայի բաժինը) Balenciaga (91 %)
1 Ադմինիստրատոր
1 Գլխավոր մոդերատոր 
տղամարդ: 1404 
կին: 883
