Google ընկերությունը հնարավորություն է ընձեռել օգտագործողներին ձյան փաթիլներով զարդարել դիտարկչի էջը: Անհրաժեշտ է միայն մտնել  Google որոնողական համակարգ և որոնման դաշտում գրել Let it snow և փաթիլները կսկսեն թափվել, իսկ որոշ ժամանակ անց էջը կսառչի: Մկնիկի սլաքով կարող եք մաքրել սառած էկրանի որոշ հատվածներ կամ պետք է սեղմել էջի վերին մասում գտնվող Defrost կոճակին:

Սա Google-ի ամանորյա միակ անակնկալը չէ: Gmail-ի օգտագործողները կարող են զանգել Սանտա Կլաուսի համարով և ձայնային հաղորդագրություն թողնել: ԱՄՆ-ում և Կանադայում զանգերն անվճար են, իսկ այս երկրներից դուրս՝ զանգի մեկ րոպեն արժե 0,01 դոլար: