Google ընկերությանն արգելել են գրանցել Glass ապրանքանիշը: Դա լուրջ խոչընդոտ է Google-ի կողմից արտադրվող «խելացի ակնոցներն» իրացնելու հարցում: ԱՄՆ-ի պետռեգիստրն իր այս քայլը բացատրել է նրանով,  որ Glass բառը, որը թարգմանաբար նշակում է «ապակի, ակնոց», լայն կիրառություն ունի և չի կարող հանդիսանալ մի կազմակերպության հեղինակային սեփականությունը:  Google ընկերության իրավաբանները հույս ունեն, որ կկարողանան հարթել խնդիրը պատկան մարմինների հետ: Նրանք որպես իրենց պահանջի օրինականության ապացույց մատնանշում են Apple ապրանքանիշը, որի անունը թարգմանաբար նշանակում է «խնձոր»: Նրանք պահանջում են, որ իրենց ապրանքանիշի գրանցման հարցում ավելորդ խոչընդոտներ չստեղծեն, քանի որ լայն կիրառություն ունեցող առարկաների անուններով բազմաթիվ ապրանքանիշներ կան գրանցված: