Գիշեր, արի ու քեզ հետ բեր մթությունդ: Բեր մթությունդ, որ չտեսնեմ ներկաս, որ ծածկվի անցյալս: Մթությանդ մեջ անեանամ: Չտեսնեմ ինքս ինձ: Չտեսնեմ սխալներս, չլսեմ խեղդող սուտը: Գիշեր, դու այնքան գաղտնիքներ ունես քո մեջ: Այնքան խորն է մթությունդ: Ուզում եմ գալ քեզ հետ: Բռնի'ր ձեռքս. բռնիր ու տար քեզ հետ: Տար լուսին: Նրա վրա կեղծիք չկա: Երբ լռում եմ ես, իմ փոխարեն խոսում է լուսինը: Երբ սկսում եմ չհավատալ երազանքներիս, աստղ է ընկնում ու ես նորից հավատում եմ, որ հրաշքներ լինում են: Երբ խեղդվում եմ ստի մեջ` մթությունը փակում է սուտը: Սիրում եմ քեզ` գիշեր:   Քո մթությունը այնքան լուսավոր է: