Facebook սոցցանցը հայտարարել է LiveRail տեսագովազդների ծառայությունը գնելու մասին: Գործարքի գումարը չի բարձրաձայնվում: TechCrunch-ի տվյալով՝ այն կարող է կազմել 400 միլիոնից 500 միլիոն դոլար: LiveRail ընկերությունը գործում է արդեն յոթ տարի: Դրա հաճախորդներից են Dailymotion վիդեոհոսթինգը եւ MLB բեյսբոլի լիգան: Ընկերությունում 170 աշխատակից կա: «LiveRail-ի հետ կապված մեր նպատակը աշխարհի լավագույն տեխնոլոգիան ստեղծելն է՝ թվային տեսագովազդների համակարգը զարգացնելու համար», —ասված է LiveRail-ի հիմնադիրների հայտարարությունում: Մայիսին Facebook-ը թողարկել էր սեփական Facebook Audience Network բջջային գովազդային ցանցը: