Այսօր մեր հեռուստատեսությունը զբաղվում է "Եվրատեսիլ” չգնալու պատճառները արդարեցնելու գործով: Ինչեր ասես, որ չի արվում, նույնիսկ Հանրային հեռուստատեսությանը մրցակից համարվող "Արմենիա” հեռուստաընկերությունը ծրագիր է նկարում, որտեղ հրավիրվում են միայն չգնալու կողմնակից արվեստի` կարեւոր չի լավ, թե վատ, ներկայացուցիչները:

Մոնտաժի արդյունքում հաղորդումից դուրս են մնում "Դորիանս” խմբի պրոդյուսերի տեղին նկատառումները գնալու հետ կապված, ինչպես նաեւ դահլիճից հնչած շատ ու շատ գնալուն կողմ արտահայտված մտքեր: Հիմնականում ուզում եմ նշել լրագրողներից մեկի խոսքերը, որն ասաց. գնալը բոյկոտելու կոչ անող նամակը հեռուստատեսության կողմից հրապարակվել է ավելի շուտ քան երգիչների մեծ մասն այդ մասին իմացել են: Ինձ համար նորություն չէ պրոպագանդա եւ հեռուստատեսություն բառերը: Ուղղակի, ուզում եմ հասկանալ, թե ինչի համար է այս կրկեսը: Կարծում եմ այն պատճառով, որ Հանրային հեռուստատեսությունը երբեք չի վայելել հանրության վստահությունը առավել ևս երբեք չի ներկյացրել հանրության կարծիքը:

  Ինչ վերաբերվում է «Արմենիա» հեռուստաընկերությանը հաճաղ դիտելիս թե ալիքի որոշ ծրագրեր, թե հիմնական լրատվական մասը հիշում եմ «Կոմեդի քլաբի» «Севкавтв» որը սկսվում է հետեվյալ արտահայտությամբ: «Мы начинаем наши новсти ровно на 5 минут позже новостей основного канала, иначе у нас не было бы новостей»: Չեմ կարող չնշել այն ֆաշիստական մթնոլորտը որը տիրում եր դահլիճում ադերբեջանցիների նկատմամբ, որը, միգուցե, տեղին կլիներ, եթե ամեն երկրորդ բառում կարծիք հայտնողները չշեշտեին, որ մենք խաղաղասեր ենք եւ հանդուրժող: Մի խոսքով, դիմում եմ այն մարդուն, ով որոշում է կայացնում: Մասնակցելու է արդյոք Հայաստանը Բաքվում կայանալիք «Եվրատեսիլին»: Ունեցեք համարձակություն հայտարարել, որ մենք չենք մասնակցում գալիք «Եվրատեսիլին»: Կարիգ չկա նման հայտարարություն անելու համար շահարկել տարեկան տասնյակ սպանված հայ զինվորներից վերջինի մահը, ստիպել մշտապես անտարբեր երգիչ երգչուհիներին ստորագրել նամակներ եւ մեղադրելով Ադրբեջանի իշխանություններին ատելություն սերմանելու մեջ` միաժամանակ ինչ-որ «Եվրատեսիլի» պատճառով ատելություն սերմանել ադրբեջանցիների նկատմամբ: Վերջացրեք այս կրկեսը: