«Օդնո» ասվածը կարծում եմ բոլորին էլ հայտնի է: Դա նույն www.odnoklassniki.ru (հայկական տարբերակով «համադասարանցիներ») սոցիալական կայքի կարճ և բոլորի կողմից ընդունված տարբերակն է: Մի կայք, որն արդեն վեց տարի շարունակ դարձել է մեր հայ երիտասարդների սիրելի «ընկերն» ու «բարեկամը»: Տարիների ընթացքում երիտասարդների մոտեցումներն ու կարծիքները այդ կայքի վերաբերյալ անընդհատ փոփոխվել են: Մեջբերեմ մի քանի արտահայտություններ.
2006թ.- «Վա՜յ բա չիմացար: Մեր հարևան Սյուզին հերիք չի գրանցվելա «Օդնո»-ում, մի հատ էլ նկարա գցել, որ տղաները տեսնեն ու գրեն» 2007թ.- «Մեր դասարանի/կուրսի բոլոր տղաները գրանցված են, ես էլ հո տղա չեմ, որ գրանցվեմ» 2008թ.- « Բայց լավ կայքա, ես էլ եմ գրանցվում» 2009թ.- «Բա չիմացաք մեր հայոցի դասատուն էլ կա «Օդնո»-ում» 2010թ.- «Պրոֆիլդ փակում ես ու վերջ, կարգին կայքա» 2011թ.- «Ապուշ կայքա, ֆեյսբուքնա լավը, ես գրանցվել եմ ֆեյսբուքում» 2012թ.- «Աաա՜, էս ֆեյսբուքից բան չեմ հասկանում, ավելի լավա մտնեմ «Օդնո».» Ուղղակի ցանկանում եմ հասկանալ, թե ինչո՞վ է այդքան յուրահատուկ «Օդնո»-ն, որ մերոնք այն այդքան շատ են սիրում: Չնայած այն ոտքից գլուխ յուրահատուկ է: Օրինակ՝
միայն «Օդնո»-ում կարող ես տեսնել «Լոմկա Տխուրյան» անունով օգտվողի, միայն «Օդնո»-ում կարող ես հանդիպել «ստատուս չկա», «ստատուսը հանգստանումա», կամ «փնտրում ես լավ ստատուս հարցրու տատուս» ստատուսներ միայն «Օդնո»-ում կարող ես աղջիկ լինելով աղջիկ «կպցնել» միայն «Օդնո»-ում կարող ես քաղաքի փոխարեն տեսնել «ջնջի կիմանաս», կամ «քո սրտոմ» արտահայտությունները միայն «Օդնո»-ում կարող ես տեսնել 100 տարեկան երիտասարդ աղջիկների ու տղաների միայն «Օդնո»-ում կարող ես գտնել ձեր հարևան Լուսիկի կատարմամբ երգ Թերևս սրանք են այն պատճառները, որի համար էլ մեր երիտասարդները սիրում են այդ կայքը, բայց նաև չպետք է մոռանան մի բան. «Ավելի լավ է կարդալ 1 գիրք, քան 100 ստատուս»:
1 Ադմինիստրատոր
1 Գլխավոր մոդերատոր 
տղամարդ: 1404 
կին: 883
0