Դեկտեմբերի 10-ին՝ մարդու իրավունքների պաշտպանության միջազգային օրը, Ազատության հրապարակից երթի դուրս կգան «Ցեղակրոն» կուսակցության առաջնորդ Շանթ Հարությունյանի համախոհները՝ ի պաշտպանություն նոյեմբերի 5-ին Երևանում բողոքի երթի ժամանակ ձերբակալվածների։  «Բոլոր երկրներում դեկտեմբերի 10-ին անցկացվում են երթեր՝ ի պաշտպանություն մարդու իրավուքների, մենք նույնպես որոշեցինք այդպիսի երթ անցկացնել: Երթի մասնակիցները կլինեն Շանթ Հարությունյանի պատկերով շապիկներով, որոնց վրա գրված է լինելու «ազատություն» և Գայ Ֆոքսի դիմակներով»,-NEWS.am-ին ասաց Շանթ Հարությունյանի որդին` Շահեն Հարությունյանը: