Այսօր գյումրեցիների հետ հանդիպման ժամանակ «Ժառանգություն» կուսակցության առաջնորդ Րաֆֆի Հովհաննիսյանը ծավալուն ելույթով է հանդես եկել: Նա նշել է, որ բոլոր այն երկրների նախագահները, ովքեր մինչ օրս շնորհավորել են Սերժ Սարգսյանին նախագահ ընտրվելու կապակցությամբ, շուտով կշնորհավորեն նաև ժողովրդին՝ իր պատվավոր հաղթանակի առթիվ: Այնուհետև Րաֆֆի Հովհաննիսյանը նշել է, որ Սերժ Սարգսյանը մինչև ապրիլի 9-ը պետք է հրաժարական ներկայացնի, քանի որ դա ՀՀ քաղաքացու պահանջն է: Հանրահավաքից հետո մասնակիցները երթով շարժվել են դեպի Գյումրու կենտրոնական հրապարակ, որտեղ Րաֆֆի Հովհաննիսյանը պատասխանել է լրագրողների հարցերին: