Չես հավատում - 25 Մարտի 2013 - Status4ka.Ru

Չես հավատում - 25 Մարտի 2013 - Status4ka.Ru

Գլխավոր էջ » » Չես հավատում

22:24 Չես հավատում
Ես տեսնում եմ՝ չես հավատում ո՛չ քո, ո՛չ իմ անցյալին. Մեր հարուստը՝ աչքիդ աղքատ, կեղծ է թվում պանծալին։ Դու կարծում ես, որ ամեն ինչ, ողջը սուտ էր մեր միջև, Ճիշտ էր միայն երկար ճամբան՝ լիքը փշեր ու խճեր: Ճիշտ էր միայն սպասումը, որ և անցավ ապարդյուն - Իզու՜ր էին մեր սրտերը սպասումից թփրտում։ Ճիշտ էր միայն արբեցումը այն սին բախտով, որ եկավ,– Նա ոսկի չէր, այլ ոսկեզօծ, հետո պղինձ, վերջը՝ կավ... Ես տեսնում եմ ՝ չես հավատում դու անցյալին իմ ու քո, Չես հավատում ու չես տարվում նաև դու մեր գալիքով։ Չես հավատում, թե նա կգա, թե կլինենք բախտավոր, Քեզ ամեն ինչ փուչ է թվում և ամեն ինչ՝ ախտավոր։ Քեզ թվում է, որ մենք իզու՜ր հանդիպեցինք մեկմեկու,– Ո՛չ մեր սրտում՝ երջանկություն, ո՛չ մեր կյանքում՝ մեծ բեկում... Իսկ ի՞նչ անենք, ո՞նց բաժանվենք, երբ սրտերը իմ ու քո Թե սիրով էլ չեն շղթայված, գեթ կապված են տանջանքով.
1 2 3 4 5 Բաժին: Հոգեբանություն \| Դիտումներ: 1086 \| Ավելացրեց: shushanik \| Գնահատական: 5.0/5

Հավանեցի՞ր, դե տեղեկացրու ընկերներիդ`

Բոլոր մեկնաբանությունները: 0